小咖啡 大意義 (2018-4-19)

上星期六一個陽光明媚的早上，一心逃離兩隻小魔怪片刻，到咖啡店嘆杯咖啡，怎料一把粗魯的聲音劃破寧靜：「咁都聽唔到，你係咪聾㗎？」誰不知另一位服務員匆忙走過來：「佢真係聾㗎！」這一刻實在不知好嬲定好笑。My Little Coffee的確是一間由聾人運營的餐廳，11個僱員當中有10位是聾人，為了避免對顧客引起不便，也有一個告示牌掛在店舖門外，希望大家體諒。餐廳的流程設計上也需要顧客自行到櫃枱指著餐牌點餐，然後服務員送上食物，盡量減少店員與顧客對話的需要。但也總是有些盲毛不為意，大聲疾呼要求服務。
 

咖啡店老闆Gigi是一位健聽人士，何解她會如此熱心聘請聾人？Gigi表示：「我之前請一個轉頭又走一個，剛剛教識咗點樣沖咖啡就走，感覺上好多人都唔太珍惜工作。」這令她開始構想聘請殘疾人士的可能。「諗過請盲人，我又冇乜錢去買大量輔助儀器；請輪椅人士，舖頭地方又細，根本容納唔到輪椅。」偶然機會下遇到她現在第一個聘請的聾人Zita，她發覺這班殘疾朋友十分適合在她舖頭工作，只要給予他們機會，他們不但不輕易辭工，而且提供的服務水平，一點都不比健聽人士遜色。本身不懂手語的Gigi，經常使出渾身解數，培訓聾人沖咖啡、拉花、收銀等工作。但畢竟時間有限，她更需要依靠聾人們一個教一個：「等佢哋培訓其他聾人，佢哋的滿足感會好大，甚至我舖頭唯一一個健聽人士，初初入嚟都係靠聾人教佢。員工之間要共融，進而員工同顧客之間先可以談得上共融。」

本著一顆以生命改變生命的心，小本經營生意。我手上拿著的咖啡雖小，卻散發著巨大的意義！

創業軒致力推廣殘疾人士工作能力，作者為執行委員。

https://www.facebook.com/SEPDHK